Ол курдук сылын аайы ыытыллар "Үрүҥ Уолан” куонкуруспут быйыл уолаттарбыт призывка киирбиттэринэн ыытыллыбата. Ол оннугар 8-11 кылаас уолаттарыгар волейбол күрэҕэ буолла. Тыҥааһыннаах киирсиигэ Спиридонов Б.С. хамаандата кыайыылаах тахсан үөрдэ-көттө.

Үгэскэ кубулуйбут Хапсаҕай күрэҕэр оскуола уолаттара бары кытыннылар. Төрөппүттэр, учууталлар ыһыытаан-хаһыытаан, хапсаҕайдьыттарбытыгар көмө, тирэх буоллулар.

Кырачаан 1-гы кылаас уолаттарыттан саҕалаан модьу 11-гэ диэри кыттааччыларбытыгар төрөппүттэрбит спонсордаан бары илии тутуурдаах түһүлгэттэн тарҕастылар.

Нэдиэлэ 3-с күнүгэр 5-7 кылаас эр бэртэригэр военизированнай эстафета ыытылынна. Манна уолаттар сымсаларын, быһыйдарын, халбайдарын уонна түргэн мындыр туттунууларын көрдөрдүлэр.

Оттон кырачаан уолаттарбытыгар төрөппүт комитета көрдөөх стартары тэрийэн күлүүлээх-үөрүүлээх бэрт көхтөөх оонньууну тэрийдэ.