Олунньу 28 – Кулун тутар 1 күннэригэр Дьокуускай куораттан Саха драматическай театр артыыстара кэлэн "Сыгый кырынаас” спектакылы, оҕолорго "Аптаах билиһэх” остуоруйаны, "Эдэрдии эрчиминэн” концерды уонна үҥкүү дьоро киэһэтин бэлэхтээн бардылар.

Руслан Тараховскай салайааччылаах бөлөх оскуола оҕолорунуун көрүстэ. Артыыс идэтин туһунан, Щепкин аатынан үөрэх кыһатын туһунан, театр үлэтин туһунан кэпсэтилэр. Оҕолор ыйытыыларыгар ирэ-хоро эппиэттэээтилэр. Алын сүһүөх кылаастарга тэриллэн 2-с сылын үлэлиир. "Петрушка” драм куруһуок иитиллээччилэригэр маастар-кылаас көрдөрөн, сүбэ-ама биэрдилэр.

Ыраахтан кэлбит ыалдьыттарбытыгар сыралаах үлэлэригэр үрдүк ситиһиилэри баҕарабыт. Бачча ыраах кэлэн сэргэхситэн барбыттарыгар барҕа махтал!